ဓါတုပစ္စည်းတွေကြောင့် ကမ္ဘာကြီးက Polluted ဖြစ် ညစ်နွမ်းလာရသလိုပဲ မျက်နှာပေါ် ကယ်လ်မီကယ်တွေ အတင်များပြီးတော့ မကြည်မလင်ဖြစ်နေပြီလား???
အိမ်မှာနေရင်းနဲ့ Spa ရောက်နေသလိုမျိုး သဘာဝပစ္စည်းတွေနဲ့ မျက်နှာအသားအရေကို ထိန်းသိမ်းကြမယ်။
အဆင့် -၁ မိတ်ကပ်တွေကိုဖယ်ရှားပါ။
• အအေးနည်းနဲ့ထုတ်ထားတဲ့အုန်းဆီအနည်းငယ်ကိုယူပြီး လက်ဖဝါးထဲမှာနွေးလာတဲ့အထိ ပွတ်လိုက်ပါ။
• မိတ်ကပ်တွေအရည်ပျော်သွားတဲ့အထိ လက်ချောင်းများနဲ့ညှင်သာစွာ နှိပ်နယ်ပေးပါ။
• မိတ်ကပ်တွေပျော်သွားပြီဆိုရင်တော့ ရေနဲ့စင်ကြယ်အောင် သန့်စင်ပါ။
အဆင့် -၂ မျက်နှာဆေးမယ်။
• နွားနို့အစိမ်းနဲ့ ပျားရည်နှစ်ဇွန်းစီကိုရောမွှေလိုက်ပါ။
• မျက်နှာပေါ်ကို တင်ပြီး ၂ မိနစ်ထိကြာအောင် ဖွဖွလေးပွတ်ပေးပါ။
• မပူမအေးတဲ့ရေနဲ့ သန့်စင်ပါ။
- ဒီ မျက်နှာဆေးနည်းက အဆီပြန်တဲ့အသားအရေအတွက် အထူးသင့်တော်ပါတယ်။
အဆင့်-၃ ရေနွေးငွေ့နဲ့ပေါင်းခံမယ်။
• အငွေ့ထွက်အောင်ဆူတဲ့ရေကိုယူပါ။
• ရေနွေးခွက်နဲ့ မျက်နှာကို တစ်ပေအကွာမှာထားပြီး ပုဝါဖြင့်အုပ်ပြီး အငွေ့ကို ၅ မိနစ်ထိ တိုက်ရိုက်ထိပေးပါ။
- မျက်နှာကို ရေနွေးငွေ့နဲ့ အရမ်း မနီးကပ်အောင်တော့သတိထားဖို့လိုအပ်ပါတယ်နော်။
အဆင့်- ၄ မျက်နှာကို ဂျီးချွတ်မယ်
• ကော်ဖီမှုန့် တစ်ဇွန်း နဲ့ ဒိန်ချဉ် သုံးဇွန်းကိုရောမွှေပါ။
• မျက်နှာနဲ့ လည်ပင်းကိုနှံစပ်အောင် ၅ မိနစ်ခန့် အသာအယာပွတ်တိုက်ပါ။
• ရေနွေးနွေးလေးနဲ့ဆေးချပြီး မျက်နှာကိုခြောက်အောင်ထားပါ။
- Skin cell တွေ ထိခိုက်သွားတဲ့အထိ ပွတ်တိုက်တာမျိုးကိုရှောင်ကျဉ်ပါနော်။
အဆင့် -၅ မျက်နှာပေါင်းတင်ပါမယ်
• ငှက်ပျော်သီး တစ်ခြမ်း၊ ပျားရည်နှစ်ဇွန်းနဲ့ နို့စိမ်းတစ်ဇွန်းကို ရောစပ်ပါ
• ၁၅ မိနစ်လောက် မျက်နှာပေါ်မှာ တင်ထားပေးပြီး ပေါင်းတင်ပါ။
• ရေနဲ့သေချာ စင်ကြယ်အောင်ဆေးပါ။
အဆင့်- ၆ အသားအရည်ကို ပြန်ထိန်းညှိခြင်း
• သခွားသီးအရည်နဲ့ နှင်းဆီရည်ကို နှစ်အချိုးတစ် ရောစပ်ပြီး မျက်နှာကို ဖြန်းပေးပါ။
• ရေခဲ့သေတ္တာထဲမှာ ၃ ရက်အထိ သိမ်းထားလို့ပါတယ်။
အဆင့်-၇ အစိုဓါတ်ပေးခြင်း
• ပုံမှန်အသားအရေနဲ့ အဆီပြန်တတ်သူများအတွက် ရှားရှောင်းလက်ပတ် အဆီအနှစ်ကို အစိုဓါတ်ထိန်းဆေးအဖြစ်သုံးနိုင်ပါတယ်။
• ခြောက်သွေ့အသားအရေနဲ့ အထိအခိုက်မခံတဲ့အသားအရေများအတွက် အအေးနည်းနဲ့ထုတ်ထားတဲ့အုန်းဆီကို လိမ်းပေးလို့ရပါပြီနော်။
